Увс аймгийн Баруунтуруун суманд 16,0 мм цас оржээ

2017 оны 10 сарын 02

Өнгөрсөн 7 хоногт нутгийн хойд хэсгээр  бороо болон нойтон цас орж  0,1-16,0 мм тунадас унасан байна. Үүнээс хамгийн их нь Увсийн Баруунтуруунд 16,0 мм, Малчинд 9,0 мм, Зүүнговьд 8,0 мм, Хяргаст 8 мм, Хөвсгөлийн Хатгалд 9,0 мм, Эрдэнэбулганд 8,0 мм, Сэлэнгэ, Дарханы нутгуудаар 0,0-3,0 мм тунадас орсон байна. 

26-27-нд ихэнх нутгаар, 30-нд баруун болон төвийн аймгуудын нутгаар, 01-нд ихэнх нутгаар хүйтэрч Алтай, хангай, Хөвсгөл, Хэнтийн уулархаг нутгаар 9-16 градус хүйтэн, говийн бүсийн өмнөд хэсгээр 3 градус хүйтнээс 2 градус дулаан, бусад нутгаар 5-10 градус хүйтэн хоносон байна.

Улаанбаатар хот орчмоор : 9 дүгээр сарын 30-ны өдөр, 10 дугаар 02-ны шөнө бороо нойтон цас орж 0,6-1,0 мм тунадас орлоо. Шөнөдөө хамгийн хүйтэн нь 27-ны шөнө 6-8  градус хүйтэн, өдөртөө хамгийн дулаан нь 28-ны өдөр 13-14 градус дулаан байв.

Цасны зузаан :  Өнөө өглөөний 08 цагийн өртөө харуулын мэдээгээр Увс, Хөвсгөл, Төвийн аймгуудын нутгаар 0.0-10 см цастай. Үүнээс хамгийн их нь Увсын Баруунтуруун 10 см, Малчин 2 см, Төв аймгийн Баянчандмань 6 см, Багануур, Тэрэлж 2 см, Хөвсгөлийн Хатгалд 3 см цастай байна.

Санал хүсэлт

Төрийн жинхэнэ албан хаагчийн зөрчлийн талаарх мэдээлэл өгөх
Авлигатай холбоотой гомдол, мэдээлэл өгөх
Бодлогын баримт бичиг болон нийтээр дагаж мөрдөх хэм хэмжээ тогтоосон шийдвэрийн төсөлд санал хүлээн авах
Санал хүсэлт гаргах